Pa varios dia caba tin un situacion caminda cu tin 10 molina di biento na Vader Piet para keto keto sin ningun movecion. Mesora a busca informacion kico por ta pasando cu e molinanan no ta draai. Ta trata aki di un kabel cu ta core bao tera na Vader Piet pa Zeewijk y den e proceso e kabel aki a kibra y a pone cu a para full e funcion di e molinanan di biento cu ta produci coriente na Vader Piet, cu ta bay pa WEB.
No tin hende na Aruba tampoco pa haci e trabaonan necesario di reparacion p’e molinanan di biento pa por restaura e operacion di e molinanan di biento.
Ki efecto e lo tin riba WEB mester mira ainda den e dianan cu ta bin, na momento cu e compania di utilidad saca un comunicado y informa kico ta pasando cu e molinanan di biento aki, cu tin un siman caba para.
