Desde cu Emiliane Andrews a ricibi e corona di Miss Teen Aruba , presidente di GLW Foundation a informa cu su persona lo bay competi pa representa Aruba den exterior. Na su salida di Aruba pa su participacion den e evento internacional, a combersa cu ne, riba con bon el a prepara su mes.
E candidata a describi cu durante preparacion tawata tin hopi suspenso y cu e meta ta pa bay demostra Aruba tin potencial fuerte pa competi den e certamen, igualmente den e periodo di preparacion a yuda varios mucha den comunidad y haci nan contento, Andrews a relata esaki como “un experencia bunita”, Y na final a gradici su famia completo pa e apoyo.
A combersa cu presidente di GLW Foundation George Winterdaal kende a conta cu preparacion di Emiliane a bay hopi bon y e ta sinti cu e ta bon prepara pa competi durante e certamen na Colombia, Winterdaal a bisa: “Aruba ta chikito pero cu hendenan potente y grandi”.
A describi e trahe di gala bunita cu e candidata lo luci durante e certamen na Colombia, cu ta diseña pa Endy Croes. E discurso tawata na encargo di Emiliane Andrews y George Winterdaal como tema: “kico ta e influencia di rednan social den competencia di beyeza”. Segun e presidente nan ta cla pa e reto na Colombia.
