“Su declaracionnan no tabata corecto y mi a pidi’e pa NO haci esaki mas”, asina Minister Presidente mr. Evelyn Wever-Croes a contesta durante un entrevista na Hulanda, ora a puntra pa su opinion riba e declaracion di su colega Minister Dangui Oduber, kende a acusa un Hues di ta “politiek verziekt”. E prome mandatario a acepta cu Oduber a actua robes y cu cosnan asina no por haci.
Tabata e ex-periodista Jos de Roo, cu a haci e Minister Presidente e pregunta aki, net despues di su presentacion na e “Genootschap Nederland Aruba” na Den Haag, Hulanda.
“Mi a papia cu e Minister riba e asunto aki y mi por compronde su frustracion. E situacion ta mas complica cu e sentencia mes. Pero asina mes e declaracionnan no tabata corecto”.
