Ayera Corte Superior di Husticia a dicta den dos caso di ontneming contra cuatro persona, cu un tempo pasa a ricibi condena relaciona cu participacion na dos organisacion criminal di traficacion di droga.
Esunnan condena, tabata trata e asina yama ‘Caso Domino’, den cual e sospechosonan L.E.M. y H.R.M.O a ricibi sentencia di 7 aña di prison. Tambe e ‘Caso Shakur’, den cual C.P.B. y R.G. cu a ricibi sentencia di 5 y 6 aña di prison.
Riba peticion di Ministerio Publico, Corte Superior a impone e obligacion riba e personanan sentencia pa paga na Pais Aruba e ventaha obteni ilegalmente di en total Afl. 1.900.000,-. E beslag cu tin poni riba e cuentanan bancario na Hulanda y Curaçao y varios real estate ta keda likida.
E motibo cu awor numa a bin sentencia den e dos casonan di ontneming, ta debi entre otro, na e hecho cu e casacion den Caso Shakur na Hoge Raad y e scuchamento di testigonan den exterior relaciona cu e ontneming den apelacion den Caso Domino, a tuma hopi tempo.
Cu e cuatro decisionnan aki di ontneming ta bira duidelijk un biaha mas cu al final, criminalidad no ta cumbini hende financieramente tampoco. Si e suma no wordo paga por completo, e personanan lo mester bolbe KIA.
