Comunidad di Aruba ta consciente cu e problemanan na e planta di Ruilwaterzuiveringsinstallatie ta rekeri un aportacion economico importante pa asina mantene e planta. E estado actual di e planta di RWZI di Bubali ta pone nos unico pilar economico, turismo, na peliger.
Pa cu esaki, pa algun tempo caba, Minister di Naturalesa, Ursell Arends a bin ta informa cu lo bay privatisa e planta di RWZI, den pueblo conoci como Bubaliplas. Pa cu esaki, Minister Ursell Arends a indica cu e Masterplan lo ta cla pa fin di maart proximo. E mandatario a indica c’un compania priva cu lo tuma e proyecto over lo ta cla na fin di maart. Tin un rapport di Royal Haskoning cla cu lo mester duna e direccion den cual lo mester bay cu e Masterplan, pa tin un RWZI completamente nobo. Esaki lo rekeri un inversion miyonario.
Na 2013, Gobierno a introduci un ‘Environmental Levy’ (milieu heffing), pero sin cu a hacie un bestemmingsheffing. Es decir, e ta bay den Algemene Middelen, pero tempo di su introduccion, e tabata destina pa maneho di desperdicio. No solamente likido, pero tambe e maneho di desperdicio solido. Di e manera aki ta yuda den e financiamento di e planta y den e maneho di desperdicio solido.
Pa un relato mas amplio, lesa TREMPAN.
