Kiwanis Club of Palm Beach (KCPB) den un rueda di prensa na Neptali Henriquez Park a anuncia e di 24 Carnaval Masquerade Party. Kiwanis Club of Palm Beach, un biaha mas lo ta organisando nan Masquerade Party, cu tur aña ta cataloga como e fiesta di aña, pues e “hottest party in town”. Manera custumber, e fiesta lo bay ta yena cu sorpresa y ambiente.
E fiesta aki lo bay tuma luga 17 di februari 2023 na Renaissance Convention Center y lo cuminsa 9:30 pm y termina 2:30 am. E carchinan lo tin un balor di AWG 500.00 pa pareha y ta completamente aftrekbaar ora haci declaracion di impuesto. Tur e fondonan recauda cu e Masquerade Party di Kiwanis Palm Beach to bay bek den nos comunidad.
Manera e presidente actual di Kiwanis Club of of Palm Beach, Daniel Aguirre, a elabora: “Muchanan mester di hopi cuido y ayudo. Y nos di Kiwanis Club of Palm Beach ta preparando un biaha mas pa genera fondo pa brinda sosten na muchanan cu mester di sosten aki na Aruba, pasobra comunidad ta cambia cu cada mucho contento. Mescos cu nos ta sostene e parke aki (Nephtaly Henriquez Park), Kiwanis Club of Palm Beach ta enfoca pa stimula e desaroyo di nos muchanan, por ehempel cu e programanan manera, Terrific Kids, Builders Club, cu awo ta activo na varios scol, Circle K activo na University of Aruba, e programa StimaMI, GuiaMi, Back to Scol Project, ademas d donacionan manera water coolers na varios scol, car Child-Seat y campaña di conscientisacion, ademas di haci donacion na CEDE Aruba, Hungateca, YMCA, Casa Cuna, Buki di Pret , Jump 18th program y otro tur na bienestar di nos muchanan. Asina tin hopi mas proyecto cu KCPB ta ehecuta pa yuda muchanan y hobennan haya e oportunidadnan pa sigui crece”
E bandanan pa e Masquerade Party lo ta Tsunami, ‘N Fuzion, Robert Jeandor y su Solo Banda Show y Musical Time. Sin laga afo e decoracion cu lo bay transforma e Renaissance Convention Center den un luga unico.
E Masquerade Party ta un fiesta “open premium bar”, pues nada di cash bar of tokens y premium snacks. Ta e fiesta di aña cu bo no tin cu bin cu cartera. No lo falta tampoco e fabuloso doorprizes y varios premio p’e diferente disfras cu semper ta un di e highlights di e anochi.
Pues…..si bo no tin bo carchi digital ainda, buske liher cerca cualkier miembro di Kiwanis Club of Palm Beach cu lo por provide e link, of communica via e medionan social, Facebook page www.facebook.com/kiwanispalmbeach of Instagram page cu ta www.instagram.com/kiwanispalmbeach. E fiesta ta conoci pa sold out lihe.
Tocante Kiwanis Club of Palm Beach
Kiwanis Club of Palm Beach Aruba ta forma parti di Kiwanis International, un organisacion mundial di voluntario dedica na cambia mundo, cuminsando na un comunidad y un mucha. Nos ta un organisacion den crecimento, dedica na yuda muchanan di mundo henter hisando nan calidad di bida.
Pa mas information di Kiwanis Club of Palm Beach bishita nos webpage na www.kiwanispalmbeach.com
