Ursell Arends, di partido RAIZ tin na su encargo e cartera di medio ambiente, cu sigur no ta uno facil pa maneha, mirando e situacion na dump.
Durante su entrevista den noticiero Enfoke, Arends, como politico a informa di plannan grandi cu e tin pa naturalesa, unda cu hopi cosnan grandi lo tuma luga. Pueblo di Aruba lo mira hopi cosnan grandi cu lo tuma luga, maneho di desperdicio, tanto solido como likido lo conoce hopi cambio. Tin hopi mas proyecto den naturalesa como den transporte publico y transporte en general, pa zorg cu Aruba por mantene su nivel internacional pa por cumpli cu tur e rekisito- y tratadonan internacional. Lo bin hopi proyecto hopi faborabel pa Aruba henter.
Segun e minister a indica, hopi hende a logra algo grandi den cera dump di Parkietenbos, pero tanten cu no tin un maneho adecua, e no ta sinti cu no tin nada di celebra ainda. Si e ta consciente cu e cambionan grandi ta dura un tempo prome cu tur hende ta riba e mesun liña. Ta bay tin hopi proyecto y unabes cu esakinan ta tumando luga, e ora e lo tin un indicacion di cual lo por ta esun mas importante p’e.
Pa mas informacion, lesa TREMPAN
