Minister Rudy Lampe a yega di bisa cu tur cos lo bay ta OK, y cu nan lo hinca e scolnan den un solo luga. Un scol nobo cu a wordo construi na Brazil y cu a keda cla.
E proyecto aki tabata planea pa hopi tempo caba. Pero ningun dia, tabata e intencion pa e dos scolnan aki mescla den otro. Pero, awor aki, cu un minister nobo, a dicidi cu e lo implementa esaki como parti di su maneho. Esaki a pone cu e voznan a cuminsa resona.
Minister Rudy Lampe a presenta na SPO Santa Cruz, pa asina pone su mes na altura. El a comenta cu el a bin mesora na e scol. P’e ora un maestro protesta, ta algo sumamente importante pa tuma na cuenta. Ningun hende ta protesta por nada.
Ora cu un hende ta protesta, ta pasobra e tin un preocupacion. E preocupacion cu nan tin, mester wordo atendi. Minister Lampe a yega e scol pa atende cu e preocupacion di e ministernan. Mirando cu p’e tur protesta ta legitimo, mesora el a tuma contacto cu inspector di enseñansa, pa e duna autorisacion pa awe no tin les y pa asina aki tur dos scol yama e mayornan pa busca e muchanan y despues di esey e maestronan a pidi’e pa reuni.
E mes a bin pa reuni cu nan na Santa Cruz, pero nan a pidi’e cu nan lo prefera pa reuni na Savaneta y scucha na preocupacion y atende cu nan.
Cumplimento
E mandatario a splica cu e tin un carta di e maestronan cu el a ricibi diaranson, cu e firmanan, cu nan ta pidi un reaccion dentro di un siman riba nan preocupacion. Pesey e ta un sorpresa cu nan no a warda, mirando cu nan mes no a tene nan mes na e carta.
Tambe e ta sigui splica cu e minister a palabra cu nan cu full e proceso aki di fusion lo bay tuma luga estrechamente hunto cu nan. Hasta a duna nan e garantia cu si mester bay planea riba diabiernanan pa no tin les pa asina nan reuni y planea tur e proceso aki, lo autorisa esey tambe. No ta bay haci nada sin tuma na cuenta e maestronan. Tin masha respet pa e maestronan y e trabao cu nan ta haci. Pesey tambe ta sorprende, pasobra no a keda sin cumpli cu nada cu e minister a bisa.
Aña escolar nobo
E plan tey, pero plan semper por cambia. Plan ta pa e aña escolar nobo. A bisa nan tambe cu tur cambio cu bin, ta haci’e na un manera responsabel.
Reunion cu directivanan
E minister a comenta cu tur ta lucha pa e alumno y cambionan aki, ta hustamente pa e muchanan haya e miho atencion posibel. Esey ta e esencia di e cambio.
Kico ta e esencia di e cambio
Esencia di e cambio ta, cu un SPO ta un enseñansa secundario pa MLK-Kinderen. Pa muchanan cu sali for di Emmaschool, Scol Caiquetio y Paso pa Futuro, SPO ta para pe. Ora cu un mucha cu no ta un MLK-kind ta bay eynan, esey no ta bon pa ningun di dos. E mester haya un otro tipo di atencion. Ta esey ta esencia di e cambio, cu kier yuda e muchanan pasobra manera e ta bayendo, e muchanan no ta haya e respet pa nan talentonan manera nan merece. Esey ta e esencia di e cambio aki.
Preocupacion valido
Tur preocupacion ta valido. Ora un hende tin preocupacion, ta pasobra e ta preocupa pa algo. Ta pa e motibo aki e minister a reuni cu e docentenan, mirando cu e ta tuma e preocupacion na serio.
Scol na Brazil
Segun minister Lampe, e cambio aki lo ta uno responsabel. Cifranan cu tin ta mustra cu tur mucha, tur maestro, lo haya e condicionnan necesario pa por eherce e ofishi aki di educacion di nos muchanan. Den esey, ningun hende lo sali perhudica. Ni pa loke ta e condicionnan cu e scol di SPO Brazil tin.
