Dialuna anochi durante un encuentro ameno, un grupo chikito di Rubiano y Curasoleño a celebra e Dia Nacional di Himno y Bandera na Washington DC.
Recien instala den su posicion, Minister Plenipotenciario, Zulema Dabian-Erasmus, no kier a laga e dia special aki pasa sin cu a haci algo pa celebra nos simbolonan nacional. Den e cuadro aki a organisa un encuentro pa bin hunto y conecta e Rubiano- y amigonan di Aruba pa celebra en especial loke nos tin den comun: nos historia, nos balornan, e nostalgia pa nos isla. E encuentro aki tambe por ta un inicio pa asina forma un red di profesionalnan bibando na Merca.
Un encuentro asina semper ta trece oportunidad pa conoce hende nobo, pa tene combersacionnan interesante y pa mira con por aporta na bienestar di nos isla. Minister Plenipotenciario kier ta un facilitado den esaki.
