Minister di Labor y Asuntonan Social, Glenbert Croes, tabata presente pa celebracion di 45 aña di existencia di Fundacion Arubano di esumnan Visualmente Incapacita (FAVI).
Den nomber di henter comunidad di Arubay el a yama nan pabien y a vocifera cu no tin suficiente palabra pa gradici FAVI for di su fundadonan di añanan ’70 pa aworaki esunnan cu a tuma over, brindando e servicio, asistencia, esunnan cu ta traha y boluntario cu FAVI, p’e trabou cu nan ta haci pa esunnan cu tin limitacion visual.
E 45 añanan no ta tiki cual iniciativa a cuminsa 2 aña prome. Nan tabata planificando e causa aki cu ta celebrando 45 aña. E ta algo hopi grandi pa weita e asistencia. Minister Croes tabatin e oportunidad durante su prome bishita na FAVI como Minister pa pasa e experencia cu nan ta pone bo pasa, pa bo purba pone bo den sapato di un persona cu tin un incapacidad visual.
Pa fundacion FAVI por aporta, na enrikece nan bida cu no obstante na limitacion, nan por tin gran calidad di bida. Nan por haci hopi otro cos cu kisas nan por disfruta di nan bida, ta algo como Aruba kier bisa fundacion FAVI danki di curason, danki na tur cu ta traha eynan pa loke nan ta haci. A pasa 45 aña Dios mendiante hopi aña mas.
“Tambe manera Pastoor a bisa, nos por anima mas hende di mustra un interes pa nan tambe desaroya un carera den asistencia di esunnan cu tin un incapacidad visual” el a bisa. Segun Glenbert Croes, di parti Gobierno lo brinda FAVI manera a haci den pasado – awe y padilanti – ainda mas e apoyo cordialmente cu nan mester pa duna tur hende cu incapacidad visual un gran calidad di bida. “Danki y un pabien na FAVI,” el a termina bisando.
