Den cuadro di e aprobacion di ley di LIM (Landsverordening Instelling Ministeries), cu a tuma luga diahuebs ultimo den parlamento, minister Geoffrey Wever a expresa cu e ta satisfecho cu resultado di esaki. Asina el a expresa cu e ta contento cu e aprobacion y cu awo si tin un cuadro legal den cual nan por traha y awo tur pregunta, discusion y incertidumbre di cua minister ta autorisa y con ta trahando, a keda pa pasado.
Segun el a sigui splica, awo nan tin un base solido pa continua nan trabou. Locual si el a bisa ta cu Raad van Advies tabata bastante critico riba algun aspecto di e LIM, pero gobierno a logra adresa esakinan. Tanto oposicion y Raad van Advies a señala riba e hecho cu algun ministerio tin un porcentahe chikito den e presupuesto, señalando cu ta irelevante pa separa algun di esakinan. Sinembargo, Wever a splica nan cu e no ta di acuerdo cu esaki mirando cu e carteranan cu a toca su persona mes, esta economia y desaroyo sostenibel, ta dos cartera hopi amplio y mester tempo y dedicacion pa maneha esakinan.
Pa un relato mas amplio lesa edicion di TREMPAN mañan.
