Parlamentario Gerlien Croes a bin cu un ponencia riba caso Kwihi, caminda ex-minister Eddie Briesen ta nombra como comisario di TDEA NV, cual t’e compania cu lo eherce entre otro Transshipment.
Di su ponencia, el a sinti cu esaki ta un tiki falta di integridad kisas pa tin un persona asina nombra como comisario den un NV cu aparentemente despues cu aña a cambia, Raiz a acorda pa explora e posibilidadnan pa sigui cu e proyecto di Fast Ferry. E pregunta ta si Briesen ainda ta comisario of el a laga e funcion.
Minister Geoffrey Wever a indica cu e no tin informacion riba esey. Minister Wever y Minister Ursell Arends a hiba un peticion ministerraad pa engage un consultant internacional pa yuda cu e parti di sondeo y preparacion p’e Fast Ferry y a reach out na minister di economia di Corsou, Cijntje, pa wak si nan ta dispuesto.
Awo ta preparando un MoU pa firma cu Corsou. Pero no tin ningun relacion y ningun combersacion cu ningun empresa caminda cu Edison Briesen ta comisario of ta envolvi den e proceso aki.
