Un tema cu cada bes nos ta scucha relaciona cu poder di compra, ta e parti di control di prijs na supermercado, cu kisas tin un tipo di formacion di cartel entre supermercado pa locual ta fiha cierto producto na un tal prijs. Esaki ta haci un competencia inhusto y na final ta esun cu ta mas vulnerabel.
Nos a trece esaki dilanti y puntra mr. Geoffrey Wever, Minister di Asuntonan Economico si gobierno ta yegando na un solucion p’e tema aki y ki rol e Aruba Fair Trade Authority por hunga den esaki.
E minister ta splica cu Aruba Fair Trade Authority (AFTA) a drenta na vigor entrante prome di januari, e ley ta aplicabel pa competencia husto. Un ‘cartel afspraak’ caminda tres of cuater compania ta bini hunto y establece un prijs, unda cu consumidor no tin ningun manera pa bay cerca un competidor, esey no ta permiti.
“Aruba Fair Trade Authority tin tur autoridad pa actua contra esaki. Door cu nan a bira operacional, nos a lansa nan den december, aworaki nan ta completamente ekipa, nan tin tools legal pa si e ehempel cu bo a menciona ta asina, nan por investiga, y preveni esaki tambe.” Si esunnan practicando esaki no cambia nan manera di opera nan ta haya multa. Autoridad tin e prerogativo legal pa impone multa te cu 10 miyon florin.
Pa relato amplio lesa TREMPAN.
