Robbert Dijkgraaf, minister di Enseñansa, Cultura y Ciencia, ta na Aruba y Corsou di 8 pa 12 di april pa dirigi un mision di conocemento. Hunto cu institutonan educativo Dijkgraaf ke fortifica colaboracion den educacion y investigacion entre Hulanda, e paisnan den Reino y Hulanda Caribense. Mas consciencia di e efectonan di e pasado di sclavitud tambe ta para central.
Dijkgraaf: “Mi ta ansioso pa profundisa y expande e colaboracion riba e tereno di enseñansa y ciencia. colaboracion intensivo cu e parti Caribense di Reino, cu nos tin un conexion historico profundo cu ne, ta esencial. Afortunadamente, riba tereno di enseñansa tin hopi movecion pa adelanto den nos relacion. Den e ultimo añanan nos a logra pone bon paso, cu iniciativa bunita manera e Beca di Reino. Awor ta importante pa nos continua cu esaki. Ta importante pa tene cuenta tambe cu e pasado di sclavitud. Esey tin consecuencia den henter e comunidad. E aña di conmemoracion ta duna mas conscientisacion di esaki.”
Miho conexion cu mercado laboral
E mision di conocemento ta consisti di director di 10 instituto di MBO, scol avansa y universidad y representante di NWO, KNAW y De Jonge Akademie. Hunto cu nan Dijkgraaf ta bishita Aruba prome. Eynan e enfoke ta riba e conexion di enseñansa riba e mercado laboral: e situacion actual, pero principalmente tambe con e oferta di enseñansa por conecta miho cu e necesidadnan di e mercado laboral.
Tambe na Aruba ta papia cu expertonan tocante di enseñansa permanente (di bida largo) y enseñansa adicional (bijscholen). Cua forma di enseñansa por uza pa esaki? Tur e sectornan den e area (MBO, HBO, WBO) ta participa.
Finalmente, e tema di mobilidad di studiante ta bini dilanti: asina studiante cu a haci uzo di e Beca di Reino nobo den e prome rond ta comparti su experencia. Entrante e aña di estudio binidero, alrededor di 120 studiante pa aña por participa na un intercambio of un stage dentro di Reino cu e beca aki, destina pa aumenta e intercambio di studiante di corto duracion. Un total di 25 studiante ta haci uzo di e servicio e aña aki.
efectonan di pasado di sclavitud
E pasado di sclavitud ainda ta laga su marka pa loke ta trata enseñansa i investigacion. Hopi studiante Caribense ta atrasa, algu cu ta sali na cla den e transmision dificil pa studia na Hulanda. Durante un sesion tematico, dirigi pa e universidadnan Caribense, ta para keto na e efectonan di e pasado di sclavitud. E meta ta pa duna mas comprension y conocemento di e pasado di sclavitud.
Declaracion di intencion tocante colaboracion entre institutonan
Na Corsou e institutonan di enseñansa di Hulanda i e islanan ta traha riba un declaracion di intencion. Conhuntamente nan ta desea di bay explora e posibilidadnan di colaboracion dentro di Reino. E exploracion aki mester conduci na mas palabracion.
No ta trata solamente di enseñansa, na Corsou tambe tin investigacion i ciencia riba e programa. KNAW, NWO, De Jonge Akademie i investigadonan di e parti Caribense di Reino ta busca minuut pa un agenda di conocemento, pa asina promove e posibilidadnan di investigacion riba temanan social actual na e islanan Caribense. Ta papia di intensificacion di colaboracion riba tereno di investigacion cu e parti Caribense di Reino, i eventual financiamento di esaki. Durante e sesion lo tene cuenta cu e bareranan cu ‘postdocs’, studiante di master y ‘promovendi’ ta experencia, por ehempel acceso na financiamento pa investigacion.
NWO ta traha riba e posibilidad pa proyecto di corto plaso, motiva pa curiosidad. E experencianan di hoben investigado Caribense tambe ta central den esaki. Nan ta yuda pensa con nan por haya miho sosten. Pa e grupo aki di investigadonan hoben, NWO ta bay desaroya posibilidadnan di financiamento pa investigacion di promocion dentro di e programa ‘Caribbean Research’.
aumenta exito den estudio
Te conclui e mision di conocemento na e conferencia di trabou di SEA (Strategic Education Alliance). E meta di e plataforma aki di e cuater paisnan den Reino ta pa aumenta e exito den estudio i igualdad di chens di studiante Caribense. Durante e conferencia studiantenan Caribense lo papia i entre otro lo trata e pregunta con enseñansa secundario na e islanan por ta mas conecta cu trayecto di enseñansa cu ta sigui.
E mision di conocemento pa e area Caribense ta e di tres despues di e misionnan anterior pa Indonesia i Zuid Africa. E bishitanan aki a fortifica e colaboracion bilateral cu e paisnan concerni i entre e institutonan di enseñansa i di conocemento.
