Empleadonan di Cuerpo di Douane ta mal contento y nan a para hunto cu nan sindicato. E mal contento aki a pone cu nan a dicidi di pone nan trabao abao y bay den un encuentro hunto pa un reunion cu nan sindicato SADA.
Eduard Maduro, presidente di SADA ta conta cu e coleganan ta hopi disgusta, mirando e trato cu nan ta hayando di parti di gobierno, specialmente di parti di minister di finansas.
E ta sigui splica cu na Februari tabata tin un reunion extraordinario den oranan di trabao, mirando cu no tabata haya oido di e minister di finansas, a conduci na esaki. Despues di esey, e relacion a medio drecha un poco, pero durante ultimo reunion dia 15 di Maart, e minister a priminti, cu na momento cu e caba di trata e presupuesto di Aruba den luna di April, e lo manda yama SADA pa atende cu puntonan cu ta pendiente ainda, unda cu decisionnan mester wordo tuma riba algun cos cu no ta canando den cuerpo, pero lamentablemente esey no a sosode.
A manda email pa recorde di e reunion. SADA semper, no solamente cu e gobierno aki so, pero tur gobierno cu Maduro a presidi y tambe ta den e sindicato, directiva a trata di yega na solucion sinta na mesa, pasobra esey ta e parti mas primordial pa yega na un solucion, sin yega asina leu di tuma pasonan asina drastico.
E minister no a duna nan oido y a bisa cu e no tin tempo pa sinta cu nan awor aki y lo laga su conseho sinta cu e sindicato y si ta realmente ta necesario e lo sinta. SADA ta sinti cu esaki ta un falta di respet.
Nan a pidi reunionnan, pero nan no ta haya. Si no ta haya reunion cu e doño di trabao pa haya sa con cierto situacionnan y muy en especial e convenio firma cu gobierno aña pasa, con e ta canando, ta trece disgusto den e cuerpo y logicamente e sindicato ta te cierto ora por wanta e presion di nan cu ta pone cu tin cu yama, pa duna nan di conoce con cos ta sinta, duna nan informacion con por wordo trata, door di e gobierno, specialmente door di e minister di finansa. No ta algo cu ta haci pa pret.
Ken a firma e gobierno
E gobierno anterior a firma e convenio, pero pa SADA gobierno ta un continuacion. Den un carta, minister di finansas a reitera riba e convencio y cu lo respeta e convenio aki. Manera cu Maduro a bin ta bisa, Gobernacion ta un Continuacion. Sea quien sea a firme, e minister actual a bisa den un carta cu e lo respeta e convenio aki. Mirando cu ta drentando den e di 7 luna di aña, no a haya un adelanto concreto di loke ta sosodiendo. A duna hasta un luna extra di deadline. Durante un reunion cu Directie Wetgeven, DRH, Leiding di Douane y minister, e minister a señala cu lo respeta esaki. Wetgeving a bisa pa Juni nan lo finalisa e landsbesluit aki y lamentablemente esey no a sosode. Miembronan a duna un luna extra pa asina finalisa esaki, pero nos ta 3 di Juli y no sa con leu esaki ta. Por bisa cu leu e no ta. E ta leu di keda cla y logicamente esaki ta hopi lamentabel. A trata di yega na un solucion. SADA a haci su maximo esfuerso pa yega na un reunion cu e minister, pa evita esaki. Evita cu miembronan ta mal contento pasobra ora bo trahado ta mal contento na pia di trabao, e no lo por bay funciona 100%. No ta algo cu Maduro a invita of nan a inventa. E ta proba mundialmente cu un trahado, si e no ta sinti su mes scucha pa su dunado di trabao, logicamente e lo demotiv’e sin conta e decisionnan cu leiding ta tumando, cu ta perhudicando pais Aruba. No ta cosnan cu SADA ta haci pa pret, no ta cosnan cosnan cu nan ta gewoon haci pasobra, manera cu por a scucha algun radio, hendenan ta bisa cu ta awor aki. Desde cu Maduro a tuma over e sindicato como presidente, na final di 2015, nan a sali afo, ora cu tabata necesario. Tanto bao di e gobierno anterior y awor aki, ta di dos biaha cu nan ta haci’e. Nan si ta trata di yega, pero lamentablemente e minister no ta duna oido. A bisa na varios ocasion cu si no ta haya oido di e minister, e ta pone cu nan tin cu tuma pasonan mas drastico. E tabata den su man pa yama nan pa reunion. Locual cu ta bin dilanti, unda miembronan ta señala hopi cos, cu e minister no ta duna oido, ta conduci cu awe tin cu yama nan pa un reunion extra ordinario pa asina dicidi kico lo ta e proximo pasonan cu nan lo tuma.
