Diaranson atardi Minister di Turismo, Dangui Oduber tabatin e placer pa honra un di Aruba su bishitante amigabel y loyal cu un reconocimento di embahador di bon buluntad. E reconocimento aki di “The Goodwill Ambassador” semper ta keda presenta pa e Minister di Turismo como un toke di aprecio pa bishitantenan cu a bishita Aruba pa 40 aña of mas consecutivamente.
E honrado reconoci como e embahador di bon boluntad a bay pa Peter Smith kende ta bishitando nos isla pa 43 aña den manera consecutivo. Peter a menciona cu e ta stima nos isla masha hopi mes, especialmente pa nos solo cu ta briya henter aña, nos playanan blanco, nos gastronomia, e seguridad y nos hendenan caluroso y amabel.
Minister Dangui Oduber tabata encanta pa por a presenta e certificado aki na Smith hunto cu algun regalo pa yam’e danki pa a scoge Aruba como su destinacion faborito y su cas leu di cas pa 4 decada.