Na Guarda Nos Costa e trato inhumano ta continua y e reclamonan pa cu esaki ta continuo. Minister di Husticia, Andin Bikker, a bay Parlamento dos siman pasa pa pidi alocacion di fondo adicional pa por atende cu e situacion aki.
Constantemente ta pendiente riba e reapertura di frontera di Venezuela pa por deporta personanan. Awo ta bayendo den direccion di 1000 persona cu a meld via e maneho anuncia pa gobierno riba e regreso boluntario. Gran parti di nan ta di Venezuela, sinembargo e reto ta cu no tin vuelo pa manda nan bek nan pais, ta loke Minister di Husticia Andin Bikker a bisa.
E capacidad pa tin personanan na Guarda Nos Costa ta un reto. Segun Minister Bikker, dos siman pasa a ricibi aprobacion for di Parlamento pa atende e noodvoorzieningen cu urgencia. E ta un reto sin precedente, pasobra tin hopi persona cu gana di regresa nan pais pero no tin vuelonan.
Tur esey a pone cu tin tension na Guarda Nos Costa, cual departamento e mandatario ta agradecido na nan p’e tremendo trabou haci bou circunstancia sin precedente. Nan ta spera di por resolve esaki pronto y cu lo tin un vuelo pa Venezuela. Esey lo alivia e situacion cu tin na Warda Nos Costa.
