Recientemente minister di Husticia, Andin Bikker a bay Hulanda y aki el a adresa KIA. El a splica varios biaha, ora cu a asumi e responsabilidad, un di e cosnan cu a ripara, cu tin un draaideursyndroom.
Cu esaki e kiermen cu tin varios persona cu nan ta personanan cu ta recidivista. Nan ta sali for di KIA, un paar di siman despues ta bolbe gara nan cu nan ta comete infraccion den nos leynan, nan ta procesa nan y ta end up den KIA.
Pa por reduci e indice di criminalidad tin cu atende cu e persona aki, pero duna nan un miho calidad di bida. Los di esey, e facilidad di KIA ta sumamente deteriora. Pa hopi aña no a mantene debidamente. Esey ta pone cu e empleadonan, cual e minister ta hopi gradicido di nan trabao bao di circunstancianan hopi dificil, hopi biaha ta traha demotiva.
Pesey e minister a bay te Hulanda pa pidi sosten y asistencia den esaki Pa loke ta facilidad di detencion, ta un facilidad di Reino. No ta di Aruba so, sino un responsabilidad di Reino. Cada dos aña ta bin comisionnan di entre otro organisacionnan internacional, bin controla kico ta e ambiente di detencion, etc. pa e aspecto di derechonan humano. A haya bon comentario, di parti di Hulanda. Tambe ta en espera si ta bay bin na remarca pa e celnan ambulatorio, esta e celnan cu nan tin na Boneiro, pa por tin mas capacidad di detencion. Siguramente e tin atencion di e minister.
Dimension
E dimension si ta bay tin un procedura di solicitud pa un director nobo, siguramente mester a caba di formalisa un rato e procedura cu tabata andando anteriormento. Esey a caba formalisa siman pasa.
DRH
E minister a menciona cu desde cu a asumi e responsabilidad gubernamental, DRH a atende cu hopi trabao pa tur e diferente procesonan cu tin di promocion y gratificacion wanta. Ta increibel cuanto trabao e departamento aki a move. Asina tin cu bisa, cu practicamente tur e departamentonan di pais Aruba, no obstante, tin retonan pa loke ta e presupuesto, pero cu poco recurso, mester bisa cu cuerpo di aparato gubernamental, esta e ambtenaarnan ta funcionando perfectamente. Cu e presupuesto, cu caba di aprob’e pa fin di April, siguramente lo bay tin mas medio y fondo pa por duna un miho servicio na nos pueblo.
