Manteniendo cu e compromise haci na nos exitoso Cumbre’18 e siman aki caba a cuminza cu realisacion di puntonan di agenda cu a worde presenta na Cumbre’18. Specifiacmente iniciativanan pa traha na fortificacion di Partido cu ampliacion y profundisacion di conocemento y actividadnan pa sirbi nos comunidad. Den e cuadra aki partido a inicia cu un siguiente serie di cursonan y a inicia tambe un Tienda di Ley pa duna servicio gratuito na nos conciudadanonan pa tur hende por conta cu ajudo pa proteha nan derecho y garantisa oportunidad husto pa un y tur. Nos kier tene nos comunidad na na haltura y tene tur hende informa di algun tema importante pa desaroyo di Aruba y di e compromise di partido AVP cu e futuro di nos isla stima, asina lider di AVP, mr. Mike Eman a expresa .
Den un sala yen atrobe di cursistanan na Cas di Partido a inicia cu Deel III di Basiscursus Politieke Vorming. Un danki special na Profesor dr. mr. Viola Bogaert di Universidad di Aruba (UA) pa duna e curso importante aki den Bestuursrecht y na dr. mr. Rycond Santo Do Nascimento pa duna y coordina e cursonan. Exito na tur nos cursistanan. Comparti conocemento pa sirbi nos Pueblo y nos Pais esey ta nos meta.
Disabra 15 di September a efectua tambe e apertura di un Tienda di Ley pa Aruba na Cas di Partido cu ta duna asistencia legal gratis na ciudadania. Esey ta un di e projectonan cu a keda presenta na Cumbre’18. Pabien na e studiantenan di Universidad di Aruba (UA) cu ta forma e hala di Plataforma Hobenan Profesional (PHP) cu e apertura y e promer dia existoso di asistencia.
Tambe nos kier informa Bo di un desaroyo preocupante cu Banco Central a raporta riba dje den su Business Perception Survey di Augustus 2018. Ta trata di un caida grandi den benta den comercio y mes alarmante un caida di 21% den cantidad di empresanan cu ta concidera nan mes “profitable”. Na inicio di 2018 un candidad di 96% di empresanan cu a worde enquesta tabata concidera nan mes “profitable” y awor esaki a cai cu 21% na 75%. Nos ta teme cu falta di un vision di e gobierno aki y e ambiente negativo crea a trece e desconfianza grandi aki.
Business Perception Survey
Results for the second Quarter of 2018 | August 15, 2018: https://www.cbaruba.org/cba/readBlob.do?id=4645
E desaroyo aki ta mustra con importante e ta cu Partido AVP ta trahando duro internamente pa ta prepara pa por saca nos Pais padilanti atrobe cu un bon Team prepara den un proceso serio y cu un bon Plan profundisa profesionalmente. E lider di AVP, mr. Mike Eman a finalisa bisando den fin di siman. E a gradici comunidad pa e confianza y a expresa cu su compomiso y di AVP ta cu Pueblo y Pais, como amigo y sirbidor.
