Na yegada di parti di e delegacion diadomingo anochi na aeropuerto, parlamentario di Accion 21, Miguel Mansur a cuestiona e hecho cu colega Setty Tromp-Yarzagaray a haci uzo di facilidad VIP na aeropuerto internacional Schiphol di Amsterdam.
Mansur kier pa Tromp-Yarzagaray compensa Land Aruba bek pa e gasto aki, mientras cu president di Parlamento, mr. Edgard Vrolijk kier pa Mansur stop di hunga pa polis ya cu e parlamentario femenino di MEP tin derecho riba e uzo di VIP, maske cu e no tabata forma parti di e delegacion oficial.
“El a haci uzo cu ta costa Land Aruba placa. Un bes mi yega oficina mi lo percura pa e debolbe e placa cualkier gasto pa haci uzo di sala VIP na Amsterdam”, Mansur a indica, mientras ainda Setty Tromp-Yarzagaray tabata sinta paden di e sala VIP di aeropuerto internacional Reina Beatrix. Pa mas informacion abona na TREMPAN.
