Diahuebs ta tuma luga e reunion publico riba Ombudsman y lider di Accion21 a reacciona riba cierto comentario di presidente di parlamento. El a trece su punto dilanti riba posicion di presidente di parlamento, specialmente e parti di imparcial, tambe a reacciona riba Ombudsman.
Miguel Mansur, lider di Accion21, a bisa di a corda riba palabra di parlamentario Molina unda el a bisa cu parce integridad ta contagioso. E ta kere cu esaki tin di haber cu coalicion y gobierno. Pa su persona loke ta parce falsedad ta contagioso sigur integridad no. E ta lamenta kico Edgard Vrolijk a bisa den un entrevista. Un presidente di parlamento mester ta un persona imparcial y tin di keda ariba di politica, p’esey pueblo ta pag’e un salario. Vrolijk ta fracasa den esey na mas ocasion y Mansur ta puntra su mes si e tin e capacidad pa ta imparcial. Pero e punto cu hala su atencion ta cu Vrolijk a insinua cu diahuebs pueblo ta bay mira ken ta na fabor di un defensor di pueblo y ken no, conoci como Ombudsman.
Lider di fraccion a expresa cu tur 21 parlamentario ta na fabor di un defensor di pueblo. Loke nan kier ta e miho Ombudsman posibel y p’e ley ta e miho version posibel. Y ta mustra cu nan no a busca e consenso, pasobra e ley mes a pasa den parlamento dies. Aki Edgard a insinua cu ya tur parlamentario tabatin nan bos riba esey. Mansur a bisa cu esey no ta berdad y tur e parlamentarionan nobo no a haya chens pa bin cu un amienda of pa haci cambio n’e leynan.
E presidente di parlamento ta bay yama e reunion y simplemente ta pa vota e shete amiendanan riba mesa, despues si ta cambia Staatsregeling pa invoer e Ombudsman of no. E parlamentario ta kere dependiendo di cua amienda pasa of ta conta cu sosten mayoritario, e cambio di Staatsregeling ta aproba of no.
Pa mas lesa TREMPAN.COM.
