Pa e fraccion di Accion 21 den parlamento, e ley actual di Rijskwet Aruba Financieel Toezicht (RAft) ta miho cu si no tin niun ley.
Diamars Parlamento di Aruba a trata e Propuesta di Ley (Wetsvoorstel Rijkswet) Aruba Financieel Toezicht). Un reunion cu a cuminsa un ora laat di loke tabata programa.
Parlamentario Miguel Mansur di Accion21 a cuminsa na bisa cu manera ta custumber ta laga tur cos pa ultimo momento. Por a scucha lider di MEP y alabes Prome Minister, mr. Evelyne Wever-Croes cuminsa caba cu argumentonan emocional, manera traiciona Libertador. E ta puntra su mes, con e parlamentarionan aki ta hustifica nan mes, unda nan ta purba fix nan mes cu directeurschap, logra un studieopdracht pa nan yiunan. Tur e corupcion acumula aki cu a hinca nos pais den un buraco financiero, esey ta e traicion di nos Libertador.
Fuera di esey, ta algo masha simpel ya cu e ley nos dilanti ta e miho cu niun ley. T’e pueblo di Aruba ta esun cu ta bay termina ta paga mas di 600 miyon florin na interes. Durante e prome tanda, Mansur a repasa e rapport di IMF, cu tanto Gobierno ta gaba cu ne. Un rapport cu ta alerta pa mas y mas medida necesario cu nan ta recomenda, punto tras di punto. Ora cu kier purba alivia e pueblo di mas medida, no por paga mas na interes.
Pa mas lesa TREMPAN.
