Diamars anochi, Prome Minister di Aruba, mr. Evelyn Wever-Croes den compania di Vice-Prome Minister, Ursell Arends, a anuncia cu Gobierno di Aruba a firma cu Hulanda pa paga e debe di COVID na 6.9% den un termino di 20 aña.
Miguel Mansur di fraccion di Accion21 den Parlamento a haya cu esaki ta un situacion hopi precario. Esaki ta door cu e Secretario di Estado a pidi e islanan pa manda nan contesta den parti mainta, ora di Hulanda. Motibo di esaki ta cu Hulanda lo mester haci a pasa e anmienda den Eerste Kamer y pa haci modificacion riba e presupuesto di Hulanda, pa por aproba e refinanciamento di e COVID-lening.
Pero e noticia di refinanciamento na un porcentahe mas halto, ta un tristesa pa esunnan cu a sostene e RAft y cu Aruba lo bay paga 32 miyon florin mas na interes. Esey no tin hustificacion y ta pone e presupuesto den pendola, den sentido cu e ta mas halto di loke a spera. Lo mester wak si tin espacio financiero pa esaki, si esey no ta e caso, lo mester bin cu mas medida.
Por a wak e rapport di IMF (Country Evaluation) a recomenda e RAft y a pidi un verankering di debe. Pero tur esaki Gobierno di Aruba a ponbe un banda.
Ta lamenta e desinformacion di parti di Prome minister y tambe Minister di finansa.
