Mientras cu e pronostico di tempo di Meteo Aruba no ta mustra nada fuera di lo normal, ya caba por a nota cu den cierto area di nos isla, tin algun nubia preto cu a produci awasero.
Ya caba for di den marduga caba awasero a basha riba nos isla y den dia e tempo a keda scur, cu algun yobida aki aya.
Sinembargo, for di ayera caba, Servicio Meteorologico di Corsou a pronostica cu tempo lo ta scur, cu yobida durante anochi y riba awe diaranson, posiblemente compaña cu strena y lamper.
Esaki lo ta debi na un aire friu cu ta baha for di noord. Ta un sistema frontal cu lo mantene e condicion di tempo nubla den nos region.
Lo ta bon pa Meteo Aruba duna un update locual t’e tempo, mirando cu awe nochi tin Parada di Luz na San Nicolas.
