Ta warda riba e sentencia di huez pa dia 22 di Januari pa . E minister ta convenci cu Hues lo dicta na fabor di Gobierno, pa asina duna espacio pa nan apunta nan miembronan di hunta directiva, pa nan por ehecuta nan maneho conforme e vision y plan di gobernacion cu a pone pa deporte. Nan ta haciendo dificil den Lotto pa Deporte. Tin mas miembro di otro Fundacion cu no kier move. Nan mester por compronde cu tin un Gobierno nobo y e Gobiern nobo no tin confiansa den nan y e gobierno nobo lo kier apunta su hendenan di confiansa. Pero lamentablemente nan no kier brinda ningun tipo di cooperacion y probablemente Lotto no ta e unico caso den corte. SVB y AZV su miembronan no kier move tampoco pasobra nan ta bisa cu e cambio lo afecta e continuidad di maneho di e gobierno anterior segun minister Dangui Oduber. Tin cu compronde cu e maneho di e gobierno anterior a termina y tin un gobierno y maneho nobo. Ta bezig cu tur e casonan aki y tanten cu no tin e miembronan di hunta directiva, no por ehecuta e maneho manera kier pasobra constantemente ta haya tegenwerking, manera esun di Lotto. A pidi jaarrekening, a pidi lista di subsidiecommissie, pa mira kico tur federacion a haya na placa, cual no a wordo duna. Nan mes a cuminsa reparti subsidie na federacionnan sin tene cuenta cu minister. Asina aki ta dificil pa goberna y ehecuta bo maneho. Ta spera cu hues lo dicta sentencia na fabor di gobierno y por fin por cuminsa ehecuta e maneho di e ministerio di deporte.
