Un rato pasa a drenta e noticia tristo for di Hulanda, cu Aldino Tromp, miho conoci comp Dino, a fayece na Hulanda. E lo a haya un ataca di curason, cu su curpa no a logra sobrebibi. Dino a fayece na edad di 57 aña y a bay laga atras su señora, yiunan y nietonan.
Dino Tromp a traha hopi aña cu Telearuba y tambe cu Bon Dia Aruba. E ultimo añanan a bay riba su mes y tabata sirbi varios medio of companianan cu mester servicio di sacament’i potret of grabacion di video.
Pero recientemente a dicidi di bay biba na Hulanda. El a cumpli aña dia 8 di mei ultimo. E nunca a realisa cu esey tabata su ultimo haciment’i aña.
Na tur colega di prensa, specialmente esunnan cu a traha cu Dino, na su famia y amigonan, nos ta expresa palabranan di mas profundo condolencia. Cu Dino sosega na paz.
