Diabierna ta tuma luga tratamento di un caso sumario cu a entabla contra e ciudadanonan Michael Williams y Jan de Ruijter pa expresionnan haci durante un conferencia di prensa.
Den cuadro di esaki awe mainta e ciudadanonan a bay entrega copia di nan dossier na e Bufete di Abogado, pero a resulta cu no tabatin ningun hende presente pa tuma e dossier.
Na momento cu e personanan aki a crusa caya caba, un empleado a yama nan bek, pero no a permiti nan drenta paden. E pruebanan entrega ta contene DVD cu audio y filmacionnan relaciona cu e acusacionnan cu nan a haci contra e yiu di prome minister Wever Croes.
Den tratamento di e caso lo bini prueba cu ta mustra cu loke e fundacion Nos Aruba ta papia ta berdad. “Nos ta walk nos talk. Nos a entrega parti di e grabacion y parti di e pruebanan. Suficiente pa esnan cu a lanta caso lo haya sa cu e Stichting Nos Aruba bo no ta hunga. Nos lo kita e mascarada di gobierno y ken cu ta,” Williams a splica despues di entrega di e documentonan.
