Teniendo na cuenta cu awe tin Lighting Parade na Oranjestad y mañan tin Parada di Mucha na San Nicolas, por a tuma nota cu henter dia diasabra tabata nubla. Esaki ta pone puntra nos mes conta cu e tempo. Ora nos wak riba e website di Meteo Aruba, riba e pronostico di tempo valido te cu diasabra 3 di februari ta papia di un tempo parcialmente nubla y generalmente seco. Den mardruga y pa mañan lo ta parcialmente nubla cu un awasero pasahero.
SITUACION GENERAL DI TEMPO
Temperatura maximo lo ta 32 grado celsius, temperatura minimo 26 grado celsius. Indice di calor (Heat Index) den y rond di oranan di merdia lo ta 33 pa 38 grado celsius, UV index di 8. E bahada di solo ta pronostica pa 6:42pm, subida di solo rond 7:05am. No tin ningun alerta, aviso of fenomenonan special.
E potencial di awasero pa e proximo 24 ora ta 1mm of menos, localmente esaki por ta diferente.
Un atmosfera relativamente seco lo stroba e desaroyo di mayoria nubia cu por produci awasero. Sin embargo, humedad lo aumenta un poco den nivelnan mas abao di atmosfera den e fin di siman aki, y por induci un awasero local y pasahero. Mas leu, stof fini di Sahara lo reduci visibilidad un poco den proximo dianan. Personanan cu tin sensibilidad respiratorio mester tene bon cuenta cu esaki.
E pronostico di tempo p’e proximo tres dianan ta mustra cu lo ta parcialmente nubla cu un awasero breve. Biento lo ta for di direccion Oost y modera te basta fuerte den rafaga.
CONDICION DI LAMA
Na partinan proteje di costa lo ta keto, rond di 1 pia pa loke ta condicion di lama. Partinan zuid lo ta modera, entre 2 pa 3 pia. Na partinan Oost te Noordwest di costa generalmente modera, cu olanan di 3 pa 4 pia.
