Tur momento nos por scucha mayor ta bisa, cu e ta stima su yiunan hopi e ta haci tur cos pa su yiunan, si pasobra yiu ta e curazon pafo di curpa di e mayor.Su yiunan ta tur locual cu e tin.
Sa;mo 127 vers 3 ta bisa yuinan ta herencia di Señor, pesey cu tur amor nos mester instrui nos yuinan den caminda di Señor.
Amor ta nifica cu bo ta pone bo tempo pa bo yiunan, y bo no ta laganan bandona, ni tampoco bo no ta pasa nan pa otro hende pa asina abo por ta riba caya. Amor ta nifica cu bo ta stima bo yiunan di berdad no cu palabra so pero cu accion tambe.Amor di mayor no tin condicion, pasobra yuinan no a pidi pa nan bini na mundo pesey tur mayor mester ta responsabel .
Pa falta di amor di mayor, muchanan ta crece sin amor pa otro pasobra nan no a crece den un ambiente di amor, locual nan ta mira ta pleito y violencia , amor di mayor mester imita amor di Dios ( Mateo capitulo 19 vers 14).
Mescos cu Dios ta stima tur su yiunan, asina mayornan mester ta cu nan yiunan, pasobra ora mucha ricibi amor na chiki, na grandi e tambe lo por comparti amor.( 3 Juan 1 vers 4)
Ora un mucha ta stima su mayornan e comporta su mes bon, pa su mayornan no keda na berguensa.
Respet ta algo cu ta bini for di cas, bo no ta hañe riba caya, pasobra caya no tin respet, y tur mayor responsabel ta lanta yiu cu respet. ( Salmo 139 v 13+14).
Pasobra ora un mucha no tin respet, tur hende ta puntra ta ken ta su mayornan.( Proverbionan 1 vers 8+9).
Por ehempel si un mucha ta bisti sunu, ta pasobra su mayornan no a siñe respeta su curpa, pasobra esey ta prome parti di respet cu mayor mester siña su yiu.
Ta cual ta e obligacion cu un mucha tin cu e mester cana lomba sunu y pia abao den henter un barrio, kico esey ta nifica, y cual ta e satisfaction cu un mucha tin si e ta papia hopi palabra malo y no ta respeta ningun hende.
Confiansa entre mayor y yiu ta importante, y mayornan mester balora esey hopi, pasobra ora bo yiu tin confiansa den bo, ta pasobra bo comportacion ta bon como mayor, pero awendia tin hopi ta abusa di e confiansa cu muchanan. Lamentablemente tin mayor bao di influencia diabolico ta abusa sexualmente di nan yiunan.
Tambe ora mayor ta cay den adulterio y ta pone e mucha perde tur e confiansa cu e tabatin cu su mama y su tata, pasobra nan falta di respet a bira un trauma pa e mucha.
Mayornan muchanan ta spera Amor, Respet y Confiansa di boso, nan no ta spera maltrato, violencia, divorcio etc,, pasobra e cosnan ey tin hopi mucha kibra, rechasa, y hasta tin di nan cu pa falta di nan mayornan su comportacion awe ta den mal caminda.
Amor , Respet y Confiansa ta yabinan pa Felicidad den Famia.
Dios tene misericorcia, Pastor Marcel Balootje.
