Atrobe AVP ta reuniendo cu diferente mayor di mucha cu necesidad special, segun Wyatt-Ras. El a conta cu tambe a reuni cu varios stakeholder, manera stichting cu ta atende cu e muchanan special, esta SVGA, a reuni cu stichting Sonrisa, diferente scol manera Bibito Pin y Dununman. A papia tambe cu diferente profesional cu ta dunando sosten, esta Fundacion Autismo. Tambe scol manera SPO tanto na Santa Cruz y Brasil, Emmaschool y Caiquetioschool.
Diferente docente a duna di conoce cu nan ta mira e necesidad aki p’e mayornan, unda cu tin hopi cu no por kom rond cu loke nan tin p’asina nan por duna e sosten na nan yiunan special. Esey en berdad a haya e empuhe pa continua.
Dado momento a haya contacto cu varios mayor y a reuni den dos sesion y ultimo a bolbe organisa un sesion cu mas mayor y nan a trece dilanti cu nan no ta sinti cu ta haya oido y nan tur ta apoya e concepto aki di ley, caminda cu nan ta bisa cu gobierno lo mester duna oido.
T’asina tambe cu e ley aki ta un continuacion cu e gabinete di AVP a logra. Ex-prome minister Eman a haci posibel cu varios hoben special por a haya e sosten aki. Esaki tabata basta aña pasa y aworaki e ta un continuacion. Ta kere cu na momento cu tin grupo vulnerabel cu no ta haya sosten den comunidad, como miembro cu ta representa pueblo, tin cu bin cu cierto iniciativa y esey tambe kier brinda n’e comunidad, brinda tambe na esunnan cu tin necesidad y pa haya e sosten aki. Ta un lastima cu tin tanto placa, tin un crisisplan. E minister di asunto social a papia riba dje y ta bayendo tur caminda, bay India, ta haci uzo di e placa di crisisfonds y no a duna cuenta di dje y kier lanta directorado di husticia. Tambe kier bin cu Family Justice y kier saca hende fo’i Respaldo. Tin placa di un banda, pero no tin e prioridad pa esunnan cu mas tin e necesidad. P’esey lo keda busca e sosten tambe dje mayornan y tur stakeholder p’asina mustra riba e necesidad aki.
Pa mas detaye lesa TREMPAN.
