Diaranson Parlamento di Aruba a yama un reunion publico pa asina trata e Ley di BBO na frontera. Un ley cu sigur ta bin cu su controversianan cu ne.
Drs. Mervin Wyatt-Ras, miembro di Fraccion di AVP a cuminsa na bisa cu a cuminsa cu e puntonan di ordo, unda cu e gremionan cu no a wordo scucha pa toch nan haya e oportunidad di haya oido pa trece nan puntonan dilanti. Di banda di e fraccion di AVP, Wyatt-Ras a bisa cu nan no a haya suficiente oportunidad y ta lider di fraccion so a trece su puntonan dilanti. tabatin mas miembro cu tabata kier a hiba palabra, pero Presidente di Staten, mr. Edgard Vrolijk, a cera e parti aki y a cuminsa cu e reunion. Minister di Finansa, mr. Xiomara Maduro a cuminsa hiba palabra, cual ta muestra un biaha mas cu ta Gobierno ta manda riba Parlamento.
Tambe e reunion a cuminsa poco laat y esaki ta contra di e Reglement van Orde, pero palabra di oposicion no tin balor y ta dictadura tin den parlamento.
Pa loke ta e ley aki, ta un atraco riba e cartera di e ciudadanonan, un forma pa chica placa cu no tin mas den e cartera di e ciudadano. Ya caba tin hopi hende cu no por pone pan riba mesa y mester scoge entre come of paga schoolgeld.
Pa mas, lesa TREMPAN.
