No obstante cu Minister Dangui Oduber a anuncia diabierna ultimo cu dialuna awo lo a baha Aruba for di e lista cora, categoria # 4, toch esey no a sosode. Gobierno di Merca ta sigui conseha su ciudadanonan pa “Avoid travel to these destinations. If you must travel to these destinations, make sure you are fully vaccinated before travel.”
Minister Dangui Oduber a confirma un rato pasa na 24ora.com cu Centers for Disease Control and Prevention (CDC) di Merca a sigura Aruba cu pa dialuna ultimo lo a baha nos di categoria 4 y eventualmente baha nos na nivel 3. Pero pa un motibo desconoci pa gobierno, ainda nan no a hacie.
E reto den esaki ta cu ta solamente un bes pa siman ta adapta e lista. Pues, e hecho cu e no a sosode e siman aki, ta pone cu nos siguiente oportunidad lo ta te otro siman, despues di Semana Santa.
