Ayera nochi laat algo prome cu 12:00AM a sosode un caso di menasa den e bario di Papilon, na Santa Cruz. Un rato prome tabatin un confrontacion mahos entre dos homber. Den henter e proceso aki por poco a hinca otro. Di biaha a pidi asistencia di polis, cu a presenta na cas di un di e partidonan y nan a conta cu ta trata di un tal “Jean Marc”.
Nan a sigui splica polis cu Jean Marc hunto cu tres homber mas a bandona e sitio den un Nissan March color cora kima. Esunnan na cas na e momento ey a conta polis cu nan tabatin un arma di candela. Tambe a sigui splica di a mira hasta un arma blanco.
Un team special di polis a cuminsa patruya den e area, pero na final no a topa cu e sospechosonan menciona.
