Ayera nochi pa mas of menos 11:25PM polis a bay pone ordo riba Linear Park ordenando tur cu a keda atras pa bay nan cas. Esaki ta debi cu no mag di keda bebe den parkeerplaats, pa no tin aglomeracion. Mientras cu polis tabata core cu hende for di sitio, aunke mayoria a coopera, un a dicidi di reta e defensornan di ley.
El a bisa cu e ta bay ora e kier. Polis un biaha mas a dun’e ordo p’e bandona sitio prome cu e caba di conta te dies. E persona aki a cuminsa chercha un hefe di polis. Door di no a tende ordo di polis, a detene e homber. Na momento cu polisnan tabata detene e persona, un persona femenino a purba mete den trabou di polis.
A purba di hal’e un banda, pero tampoco no kier a tende. Polis a opta pa detene e persona aki tambe pa motibo di no a sigui ordo. A transporta ambos pa ward’i polis pa mas investigacion.
