Diaranson trempan den careda di 7’or y mey di mainta, Polis mester a internedia den un problema cu a surgi na un cas na Jan Flemming relaciona cu uzo di arma blanco.
Bou cantidad di alarma e Polisnan a yega eybou ya cu ta papia di menasa cu cuchiu. A resulta cu e persona menasa a informa e Polisnan cu e ta cla pa entrega keho di menasa. Como cu e supuesto agresor tabata na e sitio ainda, di biaha a pasa pa su detencion. A pidi transportwagen na e sitio pa transport’e pa warda di Santa Cruz.
E persona cu a menasa tabata actua un tiki bruha y leu leu tabata actua manera cu e no por cana. Asina mes Polis a his’e y pone riba pia despues pa hinke den transportwagen. E cuchiu cu el a uza pa menasa a wordo confisca pa Polis.
