Pa algun aña caba, na Aruba ta existi e Ley di Enseñansa Obligatorio, es decir, leerplicht.
Ten con leu esaki ta funciona, no ta conoci. Pa tur mayor, e prioridad ta pa nan yiu haya un educacion. Diana Tromp, un mayor preocupa, ta denuncia cu e tin un yiu cu ta bayendo Scol Frere Bonifacius, cual edificio nan a basha abou. Esaki tabata situa dilanti Rosario College.
Pero Tromp su preocupacion grandi ta cu a basha un edificio abou, pero no tabata tin un plan B. Actualmente e muchanan ta hayando les den un warehouse. E luga no ta grandi suficiente pa nan por core hunga, manera cu un mucha mester pa nan por kima energia, interactua cu otro mucha. Pa nan por desaroya nan mente.
Mesun cos a haci cu e alumnonan di Scol Paso pa Futuro, saca nan for di un scol grandi pa hincanan tambe den un warehouse.
Su pregunta n’e Minister di Enseñansa ta, kico ta pasando? Como mayor, e mester manda su yiu scol, paso no por lag’e keda cas, sin haya un educacion. E no sa kico gobierno ta haciendo, pero ta bayendo rib’un mal caminda.
