Hopi hende ta tuma contacto cu nos redaccion pa pidi ayudo, sea si un cuminda ta malo of un mata ta den caminda. Nan ta haci esaki despues cu nan no sa mas unda pa yega. Esey ta loke un ser femenino di edad a haci. Banda di su cas na Primavera un mata cu ta pafo di su cura a bira asina grandi cu e ta tapa pida di su cas, pero tambe ta stroba visibilidad.
E señora di edad cu ta biba na Primavera 7I ta pidi ayudo pa su situacion. E ta pidi pa e instancianan concerni manera Bureau City Inspector (BCI) pa presenta na su cas.
E mata grandi ta riba un tereno ‘bandona.’ E mata aki ta asina grandi cu e stroba visibilidad, pero ta crea peliger mirando cu e brasanan di e mata ta riba tanto e dak como cura. Ta haci un suplica na BCI pa yega na Primavera 7I pa yuda e señora di edad door di corta of snoei e mata, p’asina e habitante por sosega na paz.
Pa mas lesa TREMPAN.COM.
