Diadomingo tabata un dia special pa e mundo di beyesa. Blissful Care Cosmetics kende ta e agencia di e producto LANZA, a habri su portanan. Blissful Care Cosmetics ta situa den Metro Mall den Caya Harmonia #1, nan orario di operacion ta for di 9:00 am pa 7:00 pm for di dialuna pa diasabra.
Nan ta enfoca hopi riba e salonnan di beyesa na Aruba pero tambe e pueblo. Nan tin producto special p’e salonnan pero tambe pa e pueblo cu producto pa sigui uza na cas. Hopi biaha bo ta cuminsa cu un tratamento na salon y bo kier sigui cu ne na cas, esaki ta posibel mirando cu nan tin e productonan den tamayo mas chikito tambe.
LANZA Healing Hair Care t’e marca cu Blissful Care Cosmetics ta representa. Nan tin tur tipo di producto pa bo cabey. Pensa riba producto pa cabey seco, caida di cabey pa hende muhe y hende homber, cabey maltrata, healing color, healing volume pues hende cu tin poco cabey y kier mas y tin un linea grandi di tiña, sea cu amoniac of sin amoniac. E linea ta pa hende homber y hende muhe. Nan tin hasta producto pa uzo pa barba pa hende homber cu por uza na cara.
E invitacion ta bay n’e salonnan di beyesa y pueblo pa pasa un rato p’asina mira e variedad grandi di producto cu Blissful Care Cosmetics ta ofrece.
