Abogadonan ainda no a logra haya mayornan di mas di 500 mucha menor di edad. Na 2017 y 2018 gobierno di Donald Trump a separa e muchanan di famianan migrante indocumenta, segun un texto legal presenta na corte di California.
E documento presenta hunto cu e Departamento di Husticia y Union di Libertad Civil (ACLU) na corte ta mustra cu a deporta hopi mayor sin nan yiunan. Gobierno di Trump a cuminsa na 2017 cu un “tolerancia cero” politicamente unda a detene indocumentadonan y cera nan den prizonnan. Door cu e ley ta prohibi cu menornan di edad por keda mas di 20 dia den luganan di detencion y gobierno a separa casi 2800 mucha di nan famia. A pone e muchanan bou agencia di custodia gubernamental.
E corte federal a duna ordo na 2018 pa reuni e famianan, pero segun informacionnan divulga aña pasa p’e grupo cu ta defende inmigrantenan y derechonan civil a bisa cu e cifra por ta mas hopi na loke gobierno a bisa. A logra reuni hopi famia, pero ainda falta 1550 menor di edad separa na 2018 y esunnan di juli pa november 2017.
Texto cortesia di Jorge A. Bañales y EFE. Potret cortesia di EFE/Beatriz Limón/Archivo
