Dialuna nochi pa 11:05 central di polis ta haya un yamada cu un atraco a caba di tuma lugar na Ritz Savaneta. Patruya a wordo manda di biaha na e sitio.
Na yegada e patruya a wordo informa via di e trahadornan cu un rato prome dos hende homber cara tapa cu arma di candela a drenta e lugar y a atracanan. Nan a papia bon papiamento. Nan a menasa e trahadonan cu e arma di candela y nan a bay cu e benta di dia cu ta mas of menos afl 1200,- y tambe un cellular. E dos atracadornan probablemente a huy despues den un KIA Picanto color shinishi direccion San Nicolas.
E unidadnan di polis a riba caya a cuminsa cu un buskeda. No a topa cu e dos personanan aki. Atraco Team a presenta na e sitio pa tuma e investigacion over tambe. Polis Tecnico y Slachtoffer Hulp a wordo avisa. Cuerpo Policial ta pidi un biaha mas na esnan cu por a wak algo of sa algo yama e tiplijn di polis cu cu ta 11141. Bo ta keda anonimo.
