Marisol Lopez-Tromp a tene un rueda di prensa, unda cu un biaha mas el a trece dilanti puntonan relaciona cu mocion di desconfiansa entrega den parlamento siman pasa. El a menciona e falta di valides di e coumento aki.
E mandatario a atende prensa despues cu el a yega mainta bisando cu e lo topa cu prome minister. Sinembargo den e conferencia di prensa el a menciona unicamente cu el a entrega un carta di splicacion di tur e puntonan cu a cuestion’e, e mocion y su valides.
Mescos cu el a bisa mainta caba, na su opinion e miho cos ta pa e mocion cana su caminda y yega na un decision mas lihe. Un biaha mas el a bisa pa gobierno di Aruba manda e mocion pa oficina di Gobernador p’asina saca na cla si e votacion haci di parlamento tabata uno legal of no y si su persona lo sigui den e funcion di minister of no.
En conexion cu loke Presidente di Parlamento Juan Ady Thijsen a bisa den prensa, e mandatario a indica cu e tambe lo entrega keho contra dje. Tambe cu e tin pruebanan pa sostene su punto di loke a pasa durante e votacion. Lopez-Tromp a bisa di no a reuni cu Prome Minister Evelyn Wever-Croes, pasobra e no a duna un orario. Di su banda el a manda un carta na Prome Minister y pa oficina di Gobernador.
Loading…
Reload document
Open in new tab Den e carta aki el a pone su puntonan cu mester papia riba dje. E puntonan aki ta mocion di desconfiansa, legalidad di mocion, durante e votacion no tabata presente suficiente miembro, kehonan di Presidente di Parlamento y departamentonan bou su encargo. E mandatario ta spera di por reuni pronto cu Prome Minister.
