Dialuna a tuma luga e caso di Minister di Labor, Glenbert Croes, y mr. Kathy Ruiz-Paskel. Aki ta unda corte a dicta na fabor di mr. Ruiz-Paskel y a laga e mandatario na werki.
Lider di partido MAS a lesa e vonnis despues cu esaki a bira conoci cu Ruiz-Paskel a gana esaki, e ta haya cu esaki a laga e mandatario huridicamente na werki. E puntonan treci padilanti di minister pa motiva e pakico a bin c’un MBA, un decreto ministerial, cu segun e ta kere ta mas halto c’un landsbesluit di cual e directora tin.
Pero den e vonnis ta bisa hopi cla cu e mandatario a actua den e caso akinan no solamente contra e landsbesluit di director, pero tambe contra tanto e constitucion como landsverordening instelling ministerie. E landsverordening instelling ministerie ta regula e funcion di minister y tur loke ta cay bou di dje.
Den e caso aki tambe a constata cu e minister kier a simplemente hala e directora un banda. A bisa cu kier a pone riba un zijspoor, kiermen no ta confi’e mas pa su motibonan y den e caso aki a pone un otro persona cu tabata bou di dje, den e caso aki Wever y su team. Basta luna pasa fraccion di MAS a haci pregunta, no solamente na maart laat ora e discusion a surgi di hala e directora, pero fo’i aña pasa december. Aki ta unda cu minister Glenbert Croes a saca e prome MB cu no tabata nada fuerte hinca den otro, e fraccion a puntra riba dje. E contestanan ricibi tabata comosifuera e por a haci esey.
Pa mas lesas TREMPAN.COM.
