Esneda Garcia ta un mama cu ta hayando hopi falta di su yiu, kende lo mester tin por lo menos un 20 aña bibando na Aruba. Su yiu homber di Valledupar, Colombia, ta naci dia 25 di januari, 1971, ya pa algun tempo caba no tin contacto mas cu su mama y esaki ta haci cu Esneda ta masha preocupa pa su yiu homber Luis Alberto Mejia Garcia.
Nan tabata tin contacto cun’e y ta haci un peticion atrabes di 24ora.com, pa cualkier persona cu sa di dje of por tin contacto cun’e, pa inform’e cu su mama ta buscando su drechi.
Ta di spera cu awo cu nos ta den temporada di fiesta, mama y yiu por tin contacto bek cu otro.
