Na Bowling World Berlin, 24ora.com a topa cu Raquel Lesire, mama di e hoben conoci, Byron Lesire. Byron apart di ta un atleta di Special Olympics ta conoci pa papia na nomber di fundacion autismo pa crea mas conscientisacion na Aruba.
Aki na Berlin, Byron ta forma parti di e delegacion di atletanan cu ta participando den e ‘World Games’. Byron ta participa den e categoria di Bowling. Lesire a comparti con orguyoso e ta di Byron y tambe a splica cu e ta tuma hopi tempo y pasenshi pa cu e preparacion pa un mundial. Como mama, e ta fungi tambe como coach, como nutricionista y hopi mas.
E aña aki tabata extra pisa, mirando cu Byron tabata den examenklas. Byron su mama orguyosamente ta informa nos cu Byron a logra slaag mientrastanto. Como mama e ta conseha tur mama cu tin yiu den deporte pa semper kere den bo yiu y semper para su tras pa asina por dun’e e empuhe necesario.
Digicel users let’s support Special Olympics by donating Afl 1,- by texting 𝗕𝗘𝗥𝗟𝗜𝗡 to Nr 5151!
