Dialuna, pa mas of menos 12’or di merdia, un mama den auto cu su dos yiunan, a pasa susto di nan bida, net prome cu cambio di aña, ora cu nan a dal den un buraco den e birada cerca di Fantastic Garden, perde control y bolter.
Afortunadamente no tabata tin herido. Mama y e dos muchanan tabata sano y salbo. Sinembargo e daño material tabata considerabel.
Esaki ta un di e camindanan, manera esun riba JE Irausquin Boulevard, cu pa motibo di buraco, hende ta haya su mes den desgracia y vehiculonan ta haya dañonan considerabel. A yega tempo pa DOW haci algo cu e camindanan aki, pasobra por ta un siguiente ocasion, por tin consecuencianan mas grave.
