Parti pafo di DIMAS tabatin un rij basta largo di ciudadano cu kier a drenta paden p’asina haci nan respondi n’e departamento aki.Moises Fernandez, kende ta un ciudadano preocupa, a purba di drenta paden, pero lamentablemente security a dal porta cera den su cara.
E ta conta cu ya el a bin siman pasa caba el a presenta n’e sitio den dos ocasion, pero a bis’e na porta p’e bin dialuna merdia. Ta pa un pregunta cu e tabatin pa dos di su trahadonan.
Lamentablemente e mesun persona cu ta traha na porta ta dicidi ken ta pasa y ken no.Na un forma grosero, el a dicidi cu e no ta laga ningun hende mas drenta y si e haya smaak e ta laga hende drenta.
Na momento cu el a nota e periodistanan di 24ora.com presenta n’e sitio pa haci un reportahe, e persona en cuestion a indica n’e publico “Yama 24ora pa nan firma boso vergunning”. Ta algo masha indelicado, masha falta di respet di su banda y pio cu e no ta un funcionario di gobierno, e no ta un empleado di gobierno, sino di siguridad priva, segun Fernandez.
Marta Montaño tambe tin varios tempo ta deal cu permiso. A kere sigur cu e servicio a mehora, pero parce cu no. Segun Montaño, a bay atras te den decada di 90.
Den decada di 90 un hende tabata yega San Nicolas p’e mesun cos. Awo ta pio. “Enbes cu tecnologia di avansa na DIMAS, e ta bay mas atras. Ta duel mi cu tin hende cu ta yega pa 4:00 am y cu ta hende cu tin firma liber, cu ta hende cu tin derecho ya cu nan tin un cantidad di aña na Aruba. E ta imposibel.”
“Minister Glenbert por fabor, presenta aki. Mi tabata wak e casi tur diahuebs. Desde cu otro hende a drenta den DIMAS, bo a disparce for di e stranheronan. Loke bo a priminti, cumpli cu ne.
DI un otro banda DIMAS a reacciona riba e critica, cual nan lo bay haci den un conferencia di prensa mas den siman. Segun a menciona cu e sala paden ta mucho yen y p’esey no ta lagando mas hende drenta.
Pa mas cobertura lesa TREMPAN
