Polis tabata buske henter anochi diaranson. Ta trata aki di Lucien Michelet cu a agredi su pareha den un forma cruel. El a laga e señora cu su cashi wowo kibra y hopi daño na su cara y cabes. E caso aki a sosode den Madiki Kavel.
Ambulance a bay cu e señora y mester a activa specialistanan pa opera y scapa wowo di e señora. E señora indefenso mester a soporta tur e golpinan di Lucien Michelet. Na yegada di polis e cobarde agresor no tabata tey. El a bandona e sitio den un Toyota Yaris A-22485. Polisnan a cuminsa busca e homber tur caminda. E ta un security trahando na Orion.
Despues cu polis a bandona e cas ora cu ambulance a hiba e señora pa hospital, e homber a bolbe y subi otro auto bandona e sitio. Polis a kere cu e ta den e cas. A drenta e cas cu unidad di K-9 pero no a topa cu Lucien Michelet. Recherche di Oranjestad tambe a activa mesora. E homber a logra traha su nachtdienst y mainta si recherche a presenta y detene.
A cuminsa cu e interogacion y pa 2or di atardi ya caba e tabata cla pa drenta cel di warda di polis. Su acto ta uno hopi serio y violento. Ta maltrato serio cu fracturanan laga na curpa di e victima. Pa colmo el a core huy despues di su acto baho. Awo si e ta den problem serio cu husticia y e peso di ley lo bin pisa pe.
