Campeonato HEINEKEN fast pitch di Aruba Softball Bond dedica na dos baluarte Jacobo Jansen y Gilbert “Nando” Maduro a continua riba canchanan na Pos Chiquito. Play Off final ta den ful swing unda Logros y Piratas den lucha pa e titulo maximo di Aruba den un serie di 5 wega. Den e promer wega Piratas a sa di derota Logros pa pika ariba 1-0 den e serie.
Logros sinembargo a bin dicidico den e di dos wega diahuebs ultimo pa asina derota Piratas y empata e serie 1-1. Logros a score 4 careda den cabez di promer inning pero mesora Piratas a reaciona cu 5 careda. Den cabez di 3 inning Logros ta acapara 2 careda mas y uno mas den di 4. Piratas den bom di 4 ta anota 1 careda pa hasi e wega 7-6. Den cabez di 5 entrada Logros ta expolta cu diferente batazonan ayuda pa errornan klave y ta anota 12 careda pa sigura su victoria di 19-8 y asina ta empata e serie 1-1. 
Logros como equipo a bay di 32-16 pa un averahe di 500 mientras Piratas a bay di 25-11 pa un averahe di 440. Boxscore final Logros 19 careda, 17 hit, 4 error y ta laga 7 coredor na base. Piratas 8 careda, 11 hit, 8 error cual ta demaciado y ta laga 3 coredor den circulacion. Mihor bateadornan pa Logros ta Rachi Berry di 4-4 cu 1 doblete, Edgar Bautista aportando na su propio causa di 5-2 cu un doblete mas 4 careda impuha, Genaro Girigorie ta bay di 4-3 incluyendo un doblete, Elvin de La Cruz 4-2 cu 2 careda anota mas 3 impuha y un doblete, Miliciadis German di 3-2. Pa Piratas a destaca na plato Jonathan Barry , Whascar Perez y Oneal Smith Taveras tur di 2-1, Dimas Santos 1-1, Leyvis Gonzalez di 3-3 incluyendo un doblete y Ever Vivanco 3-2. Genaro Girigorie ta habri ta enfrenta 5 bateador lansando 10 bola y 10 strike permitiendo 5 careda tras di 3 hit y ta wordo releva den promer inning pa Edgar Bautista.
Edgar ta bay 5 inning lansando 20 bola, 48 strike pa un total di 68 lansamento tras di 8 hit y ta permiti 3 careda di cual 2 ta limpi pa asina seya e victoria riba su nomber. William Benitez ta bay cas cu e derota riba su nomber permitiendo 15 careda di cual 4 ta limpi. Guillermo Montiel ta releva y ta enfrenta 6 bateador pa finalmente Richard Marrero subi monticulo pa saca ultimo out. Weganan ta continua na Pos Chiquito. Dialuan 715pm Royal Power vs Celebrities y pa 9pm Jay’s Tire vs Spuiters. Diamars 9 di Juli 715pm Game # 4 di Playoff A-Klas Logros vs Piratas y pa 9pm Macuarima vs Celebrities. Tur weganan ta na Pos Chiquito. Waak pa bo tey!!
