Un diasabra caminda parce tur hende tin placa den saco. Algun dia di TdQ tabata suficiente pa hendenan perde cabes e weekend aki ora e TdQ a ser elimina. Ta manera tur hende ta bebe sin fin. Parce kier bebe mas cu por prome cu 12or mey anochi bati. Of ta bebe suficiente prome cu un siguiente TdQ.
Polis tin un departamenrto special cu ta haci control tambe. A drenta tres diferente bar conoci. A drenta La Oficina na Tanki Flip. Eynan parce regla di preveni Covid no ta conta. Tabata e prome cu a cera pasobra tabata manera un locura eyden. Djey a bay Yen Yen y ta mesun cos.
Tambe a cera Yen Yen na Noord. Despues a bay Palm Beach na Lekker. Polis no por a kere nan wowo ora a drenta y mira con e hendenan ta bebe y locura total tambe. Hendenan ta bebe y parce tur regla pa preveni Covid nan ta lubida. Tur hende mester a bandona e tres localidadnan. Doñonan no ta worry cu regla tey pa respeta. Loke nan ta pensa ta yena nan localidad cu hende y bende bay gol. Awel esey ta bin cu su consecuencia ora cu polis su team special bin controla.
