E Gobierno aki ta uno di coalicion. Aruparking ta cay bao di maneho di Chris Romero, como minister di transporte. El a trece su ideanan dilanti caba. A forma un comision caminda cu ta bay trece esaki dilanti y pronto lo trece solucionnan pa esaki. Tin di bisa berdad cu ta tende di tur banda, no solamente comerciante, sino tambe di hendenan cu kier bay den Playa cu no tin parkeerplaats. Tur esaki tin di bay, a corto plazo, lo tin solucion. Pronto lo anuncia esakinan. Tin di bisa cu e ta bay ta na beneficio di tur hende.

E minister ta calcula cu pronto, den dos pa tres siman lo anuncia kico e cambionan ta. Pero con cu bay bin, e cambionan cu lo bin dilanti e lo bay wordo informa prome riba dje. Bisa ki consecuencianan lo bay ta, kico tin pa haci. Tur esey. Ta duna un prome advertencia. Tur eseynan, pa asina haci’e adecuadamente. Esey ta e pasonan cu ta tumando. Si bay riba Arubus, pa añanan largo tin problemanan cu bus, caminda cu riba presupuesto actual a pone pa bin cu un flota nobo di bus y asina brinda miho servicio. No ta solamente un bus nobo ta brinda un bon servicio. A menciona varios biaha cu sigur sigur un transporte publico mester ta social. Mas social posibel y esey ta loke ta trahando riba dje, pa asina brinda pueblo di Aruba un tarifa mas social.

E mester ta puntualmente. Transporte publico, si compara Hulanda mes, tin hende ta gewoon laga nan auto of hera no tin auto pasobra e transporte publico ta asina bon regla, caminda cu nan ta uza esaki. Den e area ey tin pa bay, caminda cu por bisa cu e bus ta tal ora, tal caminda y ta tuma esey. Esey si ta encera cu tin cu cambia leynan, unda cu ta brinda e busnan aki un preferencia riba cierto caminda, etc.

Klem

E kitamento di klem a perhudica Aruparking financieramente y tambe a bisa cu no lo paga despues di 3’or y mey. Minister Romero a comenta ken tabata protesta. E nunca a bisa cu e ta drenta kita klem. Ningun hende no por bisa esey. Chris Romero nunca a bisa cu ta drenta kita klem. Bo mester ta realistico, e ta menciona. Ex prome minister a bira haci esey y haci’e iresponsablemente. Bayendo mas leu, e no a pone por escrito. Djis duna un opdracht. Eynan ta mira cu si bo ta para responsabel, pakico bo ta haci’e? Pone preto riba blanco pa por actua riba dje. Ta manehonan cu ta pa pasado. Actualmente tin un gobierno hopi serio y ta tumando e pasonan necesario manera debe ser.

Tarifa social

Si bo wak bon, actualmente pais Aruba ta bezig ta subsidiando 6 pa 7 miyon. Un otro 6 pa 7 miyon a subsidi’e completo. No ta un suma grandi. Si subsidia esey, bo bin cu un miho maneho, mas hende cuminsa haci uzo di Arubus, bo ta crea mas entrada y asina bo por wak con bo por baha e tarifa, etc. Pero e no ta un suma grandi adicional. E ta cosnan cu por wordo haci. Tin entendi cu hopi biaha a specula esey caba. A yega ora pa bay den e direccion ey, subsidi’e y asina ey haya mas pasahero den nos busnan cu ta crea un entrada. Bo ta mantene e edificio, bo ta mantene busnan, bo por haci hopi mas e ora. Door di haci esey, e ta beneficia pais Aruba. Mas entrada bin pa Arubus tambe. E ta un win win situation, caminda sigur bo tin cu bin cu e plannan adecua y por beneficia di dje.

E lo bolbe?

Tin un comision instala awor aki, pa evalua tur e situacion y asina bin cu un miho sugerencia.